ذكريات منسيه
"ذكريات" كتير جميله فى حياتنا اثرت فينا وكل اما نفتكرها ترسم على وشوشنا الابتسامه ونقول يارتنا نرجع نعشها من تانى
ذكريات لما كنت صغير ومش شايل هم حاجه وواخد الدنيا ببساطه
ذكريات لما كنت بهرب من المدرسه انا واصحابى علشان نلعب كوره فى النادى اللى جنب المدرسه
ذكريات لما يكون اى حد فينا انا واصحابى بيتخانق ونقف ويا بعض فى المخانقه علشان نجيب حق اللى بيتخانق سواء كان غلطان او مش غلطان
ذكريات لما بطلت "السجاير" وفرحه اصحابى لما عرفوا وفرحتهم ليا من قلبهم ويقولوى "اخيرا هترحم نفسك وترحمنا من السجاير" ولما صاحبى "اسلام" قالى "مبروك بس ياريت يكون عندك اراده انك تستمر واتمنى انك مترجعلهاش تانى"
ذكريات اول يوم فى الكليه وانا داخل ومش عارف اى حاجه او اى حد غير اصحابى اللى من بلدى
ذكريات لما نقعد نذاكر انا واصحابى مع بعض قبل الامتحان واللى مش فاهم حاجه نفهمها لبعض وقلبنا على بعض بجد ونتمنى اننا كلنا ننجح
ذكريات لما اخرج رحله انا واصحابى ونقضى مع بعض احلى يوم فى حياتنا مع بعض
ذكريات لما نتصور علشان تكون ذكرى جميله
ذكريات لحظه هبل وجنون ليا انا واصحابى لما نكون مع بعض ونصورها فيديوا ولما نفتكره نقد نضحك عليها
ذكريات لما اكون بتفرج على الصور وافتكر الموقف اللى اتخدت فيه الصور ديه
ذكريات لما نصتاد السمك ونشويه ويبقى طعمه احلى من اى حاجه كلنها قبل كده
ذكريات لما اكون انا واصحابى بناكل مع بعض ويبقى الاكل ليه طعم مميز
ذكريات لما نقعد نئلش على بعض ومفيش حد يشل من التانى خالص
ذكريات لما اول مره اسوق الموتسيكل باصحابى ولما وقعنا نسينا الالم اللى كنا فيه وقعدنا نضحك عالموقف ده
ذكريات اصحاب حتى لو قعدنا مع بعض عالرصيف يبقى احلى ذكرى
ذكريات لما نخرج نسهر عالكافتريا "مارينا" ونسهر عليها لوش الفجر واحنا مش هممنا الوقت علشان كلنا مع بعض
ذكريات لما نتفرج على ماتش مع بعض ولما يجى جون نقوم نتنطط ونحض بعض من الفرحه
ذكريات لما الاهلى يكسب الزمالك واروح ائلش على صاحبى "اسلام الزملكاوى" ويرد عليا بضحكه ويقولى سنظل اوفياء
ذكريات لما نلعب لعبه محدش يعرف قوعدها غيرى انا واصحابى
ذكريات لما نتكلم كلام مفيش حد يفهمه الا انا واصحابى
ذكريات اول بنت حبتها وكسوفى انى اروح اصارحها بكده رغم انى متاكد انها بتبادلنى نفس الشعور
ذكريات لما اكون بسمع اغنيه وتفكرنى بذكرى حلوه فى حياتى واحس انها بتتغنى علشانى
ذكريات او جايزة اخدتها علشان قدمت بحث علمى واول هديه اخدتها من شخص عزيز عليا
ذكريات بيت صاحبى علاء اللى بنسهر فيه انا واصحابى ونتكلم فى مشكلنا ونحاول نحلها مع بعض ونعتبر مقر تجمعنا واحتفلنا باى مناسبه لينا
ذكريات لما نلعب مع بعض بلاستيشن وننسى نفسنا واحنا بنلعب ونروح متاخرين
ذكريات احتفالى انا وعيلتى بعيد ميلادى ويتقلب عيد الميلاد لساحه لعب والش
ذكريات اصحاب اصيله وجدعان ويقفوا جنبك فى اى وقت تحتاجهم فيه وفى وقت الفرح والحزن جنب بعض
ذكريات لما صاحبى "شريف" مات وحزننا وبكائنا عليه ولما نفتكره نقول الله يرحمك يا شريف ياريتك كنت معانا"
ذكريات لما اكون تعبان والائى كل اصحابى جنبى جايين يطمنوا على بجد مش تقضيه واجب وخلاص
ذكريات وانا بحاول اصالح بين اتنين متخاصمين وفرحتى لما الائيهم مروحين مع بعض
ذكريات لما نكون ماشيين فى السكه والدنيا تمطر علينا واحنا ولا هممنا حاجه ومفيش غيرنا فى الشارع ونقعد نغنى
ذكريات ليله العيد وسهرنا لوش الفجر وصلاه العيد مع بعض ونطلع نسلم على بعض
ذكريات اول يوم دراسه وفرحتى انى هقابل اصحابى تانى
ذكريات لما كنت بتسابق انا واصحابى على اللى يروح المدرسة اول واحد
ذكريات الدرس اللى بعد المدرسه رغم التعب اللى كنت فيه بس كنت لازم اروح علشان خايف الاستاذ يضربنى لو غبت من الدرس
ذكريات حاله الخوف اللى ببقى فيها من سماع كلمه "الواجب فين" وانا معملتوش
ذكريات لما اكون رايح الدرس واكتب الواجب وانا ماشى علشان خايف الاستاذ يضربنى
ذكريات لما اروح من المدرسه والعب فى الشارع من غير حتى ما اغير هدوم المدرسة او اكل حتى
ذكريات لما اكون بذاكر وامى تدخل عليا بكوباية الشاى وتقولى "عايزاك تبقى الاول"
ذكريات لما اكون داخل الامتحان وحاسس انى نسيت كل اللى ذاكرته واول ما استلم ورقه الامتحان واقرأ قران وادعيه افتكر كل حاجه تانى
ذكريات لما اكون مستنى النتيجه تظهر وخايف منها وامى تطمنى وتقولى متخافش هتنجح
ذكريات لما النتيجه تظهر واشوف الفرحه فى عيون ابويا وامى علشان تعبهم مرحش عالفاضى
ذكريات الكليه الحربيه وامنيتى انى ادخلها وابقى ظابط بس محصلش نصيب
ذكريات لما نسافر المصيف انا والعيله كلها ولمتنا الحلوه مع بعض
ذكريات لما نكون معزومين كلنا عند جدى وفرحتنا باللمه ورمضان
ذكريات لما اخد العيديه وانا صغير وفرحتى بيها حتى وانا كبير بيبقى ليها طعم تانى
ذكريات اول عمل خيرى اعمله واحضر "يوم اليتيم" ولعبى مع الاطفال وفرحتى لما شوفت الفرحه فى عيونهم
ذكريات منسية عدى عليها سنين سابت فينا ولما افتكرتها رسمت على وشى البسمه واتمنيت انى ارجع اعيشها من تانى
#hektor
